Sariak eta proiektu irabazleak

• Lehen saria: ZURESKU (3.000 € + urtebeteko doako aholkularitza zerbitzua Torrealday Aholkularitza enpresaren eskutik)

Aiora Uriartek (18 urte, Arratzu) aurkeztutako enpresa-ideia familia-proiektu batetik sortzen da, egurrezko joko tradizionalak eta eskulanak berreskuratu eta gaurkotzeko asmoz. Helburua da adin guztietarako jolas eta jarduera praktikoak eskaintzea, gizarte-inklusioa, sormena eta belaunaldien arteko harremanak sustatuz. Egurrez egindako jolasak eskuz lantzen dira, eguneroko bizitzara egokitu eta gaitasun sozial, motor eta sentsorialak garatzeko. Proiektuak hiru jarduera-ildo nagusi ditu, alegia: adin desberdinetarako jolas inklusiboak, aniztasun sozialari erantzuteko; 0–5 urte bitarteko haurrentzako familia-guneak, sormena, mugikortasuna eta esplorazio sentsoriala lantzeko eta, azkenez, adinekoentzako jolas estimulagarriak, oroitzapenak berreskuratu eta aktibitate kognitiboa bultzatzeko.

Ekoizpena Arratzun egiten da, material naturalak erabiliz eta kalitatea lehenetsiz. Jolasak udal ekitaldietan (jaiak, azokak, eskolak, egoitzak…) aurkezten dira, eta salmenta presentziala zein online eskaintzen da. Bere bereizgarriak dira produktuen originaltasuna, eskuz egindako kalitatea eta 200 jolas baino gehiagoko katalogoa, publiko zabal bati zuzendua.

• Bigarren saria: GARILE (2.000 € + sei hilabeteko doako aholkularitza zerbitzua Torrealday Aholkularitza enpresaren eskutik)

Proposamenaren atzean Maddi Amezaga dago (29 urte, Errigoiti). Garile ingurumen-hezkuntzako eta landa-ekintzailetzako ekimena da, Errigoitin eta Busturialdean gari tradizionala eta haren nekazaritza-kultura berreskuratzeko helburua duena. Proiektuaren xede nagusia da ia galduta dagoen ondare agrikola balioan jartzea, agroekologia eta belaunaldien arteko hezkuntza uztartuz, eta komunitatean “oroimena, identitatea eta etorkizuna ereitea”. Ingurune natural eta historikoarekin berriro konektatuko duten hezkuntza eta kultura zerbitzuak eskaintzen ditu, jasangarritasunaren eta ondare kulturalaren babesaren alde eginez, Agenda 2030era lerrokatuta.

• Lehen sektoreko ideiarik onena: EBASZ (1.000 €)

Iker Egiak (25 urte, Ajangiz) sortutako proiektuak basogintzako zerbitzu integralak eskaintzen ditu: baso-landaketak, garbiketak, zur ateratzea, pista konponketak, mozketa eta garraioa. Urdaibaiko ingurunea ondo ezagutzen du Ikerrek, beraz, tokiko beharretara egokitutako zerbitzu arin eta eraginkorrak eskainiko ditu. Enpresaren balioa da zerbitzu guztiak prezio onean eta fidagarritasunez ematea, eta basogintzan lan egiten duten askok eskaintzen ez dituzten lanak ere barne hartzea.

• Aipamen berezia: BIZKAIGANE (1.000 €)

Bizkaigane Errigoitin kokatutako ustiategi agroabeltzailea da, eta ekoizpen ekologikoa du oinarri: esne- eta haragi-behiak, ardiak eta txerriak hazten dituzte, eta gaztak, esnekiak eta haragi-produktuak bertan bertan eraldatzen dituzte. 80ko hamarkadan sortu zenetik, proiektuak Busturialdeko gazte ugari trebatzeko eta landa-eremuko ekintzailetza bultzatzeko balio izan du.

Azken urteotan, sortzaile beteranoek belaunaldi-erreleboa prestatu dute, eta bost gazte ganaduz osatutako Txapelkoop kooperatibak hartu du lekukoa. Kide guztiak 35 urtetik beherakoak dira, prestakuntza tekniko sendoarekin (Artzain Eskola, Agroekologia, Harakintza, Transformazio agroalimentarioa…), eta ustiategiaren fase guztiak menperatzen dituzte: abeltzaintza jasangarria, lurraren kudeaketa, produktuen elaborazioa eta komertzializazioa.

Bizkaigane gaur egun gazteen lidergopeko etapa berrian dago, eta ekoizpen ekologikoaren aldeko konpromisoa, tokiko garapena eta etorkizuneko ikuspegi sendoa uztartzen ditu. Belaunaldi-errelebo arrakastatsu eta antolatua da, landa-ingurunean etorkizunerako aukera erreala sortzen duena.

Guztira, 7.000 euro banatu dira eskualdeko gazte ekintzaileei laguntzeko enpresa-proiektu berriak abian jartzeko

Sari banaketa eta epaimahaia

Ekitaldian parte hartu dute Nadia Nemeh Bermeoko alkate andreak, Ager Lejarreta Urremendi Landa Garapen Elkarteko lehendakariak eta Ziortza Bilbao Gernika-Lumoko zinegotziak.

Epaimahaia honakoek osatu dute: Joseba Irazabal (Gernika-Lumoko Udala, Lanbide Ekimenak), Mikel Magunazelaia Pinaga (Urremendi eta Foruko alkatea), Nerea Hormaetxe (Bermeoko Udala, Behargintza Enpleghu Zentroa), Leire Zaballa (HAZI Bizkaia) eta Begoña Andres (IES Barrutialde).

Balorazio-irizpideak izan dira: berrikuntza, balio erantsia, originaltasuna, kalitatea eta enplegua sortzeko potentziala.

Bermeoko eta Gernika-Lumoko udaletako gazteria zerbitzuek eta Ajangiz, Arratzu, Bermeo, Busturia, Elantxobe, Ereño, Errigoiti, Foru, Gautegiz Arteaga, Gernika-Lumo, Kortezubi, Mendata, Morga, Mundaka, Murueta, Muxika, Nabarniz eta Sukarrieta biltzen dituen Urremendi Landa Garapen Elkarteak, Bizkaiko Foru Aldundiarekin batera, Busturialdeko XI. Enpresa Ideia Lehiaketa abian jarri dute, hamaikagarren urtez jarraian. Lehiaketak enplegua sortu eta Busturialdeko gazteen ekintzailetza kultura sustatzea du helburu. Aurreko hamar edizioak kontuan hartuta, guztira 168 enpresa ideia eta enpresa aurkeztu dira.

Eskualdeko gazteak lan mundura sartzea ahalbidetzen duen ‘Lana bilatzea, Lana’ da programa Bizkaiko Foru Aldundiaren Gaztedi Busturialdea proiektuan kokatuta dago eta lehiaketaren edizio berri honek beren ideia berritzaileak abiatzeko eta enpresa ikuspegia saritzeko aukera eskaintzen die Busturialdeko gazteei.

Busturialdeko X. Enpresa Ideia lehiaketaren helburuak, besteak beste, Busturialdean kultura ekintzailea sustatzea, komertzialki bideragarriak diren zerbitzu eta produktuak garatze aldera; eskualdean enplegua eta aberastasuna sortzea eta Busturialdeko ekonomiaren garapena bultzatzea eta sustatzea dira.

Aurreko urteetan bezala, lehiaketan 18 eta 35 urte bitarteko gazteek edo gazte-taldeek parte hartu ahal dute, betiere, aurkeztutako enpresa ideia Busturialdean kokatzen bada. Zerbitzu edo produktu bat sortzeko ideiak edota 2024. urtean sortutako negozioak/enpresak izan daitezke, baina derrigorrez Busturialdean egon beharko dira, eta sustatzaileak/ek arestian adierazitako adin-betekizuna bete beharko du(te).

Epaimahaiak jarraian adierazitako irizpideak baloratuko ditu aurkeztutako proiektuetan:

1. Ideiaren originaltasuna eta berrikuntza maila: balio erantsia edukitzea edota originala izatea.
2. Talde edo norbanako ekintzaileak proiektua garatzeko dituen gaitasunak.
3. Enplegua sortzeko aukera eta horien kalitatea.
4. Negozioaren potentziala, garapen maila eta Busturialdean gauzatzeko bideragarritasun teknikoa eta ekonomiko-finantzarioa.
5. Eskura dauden baliabideen aprobetxamendua, jasangarritasuna eta proiektuaren gizarte-erantzukizuna.
6. Gizarte-eragina.

Lehiaketan parte hartu nahi dutenek datorren azaroaren 8ko 14:00ak arteko epea dute beren proposamenak aurkezteko. Sari-banaketa azaroaren 28an izango da, 19:00etatik aurrera, Busturiko BBK Kliman.

Irabazleak 3.000 euroko saria jasoko du, bigarrenak 2.000 eurokoa eta lehen sektoreari lotutako ideiarik onenak, aldiz, 1.000 euro jasoko ditu, aurreko sarietako baten bat jaso ez badu.  Era berean,  Torrealday Aholkularitzak doan emango dio irabazleari urtebeteko iraupena izango duen aholkularitza-zerbitzua (fiskala, lanekoa eta kontabilitatekoa), eta bigarrenari, ordea, sei hilabetekoa.

Aurten, gainera, hiru sari horietatik aparte, gizarte berrikuntzara bideratutako eta gizarteari modu positiboan eragiteko gaitasun handiena duen enpresa-proiektua sarituko da. Horrek 1.000 euroko saria eramango du, betiere aurreko sarietako baten bat jaso ez badu.

Epaimahaiaren iritziz ideiek ez badute gutxieneko kalitate eta originaltasun mailarik, sariak (bat, batzuk edo guztiak) eman gabe gera daitezke.

Izen-emate orriak Bermeoko eta Gernika-Lumoko Udaletako Gazte Informazio Zerbitzuetan edo Urremendi Landa Garapen Elkarteko bulegoan jaso ahal dira. Gainera, web-orri honen bitartez ere deskargatu ahal dira, albiste honen bukaeran. Izen-emate orri horiek eta beharrezko dokumentazio guztia paperean aurkeztu beharko dira, 2024ko azaroaren 8ko 14:00ak baino lehenago.

2023ko ideia irabazleak

Joan zen urtean ideia irabazlea, AKERBELTZ SAGARDO NATURALA izan zen. Proposamenaren atzean Xabier Zenigaonaindia Apraiz (33 urte, Murueta) eta Ander Etxaniz de Miguel (32 urte, Busturia) daude. Busturia eta Muruetako udalerrietan dauden sagarrondo kopuruaren ideiatik sortzen da. Hori dela eta, sagardo naturalaren marka propioa lortu nahi dute Euskal Sagardoa Jatorrizko Deituraren barruan.

Bigarren saria, DIVERSE plataforma digitalaren proiektuak lortu zuen. Euskadin ikus-entzunezko edukiak sortzen dituen gazte-komunitatea sortzea da helburua eta Diverse gazte-komunitatearentzat sortuko den espazio fisiko/digital honen kudeatzailea da. Edukiak eskaini eta eskatzen dituzten gazteen komunitate honek, gazteei protagonismoa eta parte hartzeko aukerak eman nahi dizkie. Gorka Legarra Atxurra (25 urte, Gernika-Lumo) dago proposamen honen atzetik.

Eta, amaitzeko, URDAIBAI EUSKARRI proiektuak Ü-BAI Eskualdeko Garapen Ekonomikorako Planaren lau ardatz sektorialetara bideratutako enpresa edo enpresa-ideia onenaren saria irabazi zuen. Juan Guarrotxena Layuno (27 urte, Bermeo), Ane Gangoiti Fradua (24 urte, Bermeo) eta Josu Urkidi Elortegiren (43 urte, Bermeo) eskutik   “Euskarri Urdaibai” podcast baten bidez Urdaibairen berezitasuna eta aniztasuna munduarekin partekatzeko proposamena da. Podcast hau Euskadirekin zerikusia duten gaiei buruzko informazioa zabaltzera bideratuta dago, baina bereziki Urdaibaiko eskualdeari buruzko informazioa.

Oinarriak

Lehiaketaren oinarriak eta izen-emate orriak

Ajangiz, Arratzu, Bermeo, Busturia, Elantxobe, Ereño, Errigoiti, Foru, Gautegiz Arteaga, Gernika-Lumo, Kortezubi, Mendata, Morga, Mundaka, Murueta, Muxika, Nabarniz eta Sukarrietako udalek eta Bizkaiko Foru Aldundiak lankidetza-hitzarmena sinatu dute. Xedea, lankidetzarako esparrua ezartzea da, «Gaztedi Busturialdea» proiektua garatzeko eta burutzeko, udalerri horietako gazteriaren arloko politika integrala ezarriz, sustatuz eta garatuz, gazteriaren arloko ‘Bizkaia Gazteak 2030’ estrategiarekin bat etorriz.

1. XEDEA
Gaztedi Busturialdea proiektuak biltzen dituen herrietan erroldatutako gazteek sortu eta honeek sendotzeko dirulaguntzak ematea.

2. ZUZKIDURA EKONOMIKOA
15.000,00 €

3. LAGUNTZAREN ONURADUNAK
Gaztedi Busturialdea proiektua osatzen duten udalerrietan erroldatutako 35 urtetik beherako gazteak (Ajangiz, Arratzu, Bermeo, Busturia, Elantxobe, Ereño, Errigoiti, Foru, Gautegiz Arteaga, Gernika-Lumo, Kortezubi, Mendata, Morga, Mundaka, Murueta, Muxika, Nabarniz eta/edo Sukarrieta).

4. LAGUNTZAREN ZENBATEKOA
2.500,00 € (Baldin eta eskaera egin arte egindako inbertsioa 600 €-tik gorakoa bada).

Dirulaguntza hauek enpresak sortzeko eta sendotzeko beste laguntza batzuekin bateragarriak dira

5. BALDINTZAK
Laguntzen onuradun izateko bete beharreko baldintzak honako hauek dira:

• Ekonomia Jardueren gaineko Zergan (EJZ) eta Langile Autonomoen Araubide Berezian (LAAB) edo baliokidean alta emanda egotea: 2023/01/01 – 2023/12/31, biak barne.
• Edozein forma juridiko izatea.
• Bazkideetako batek, gutxienez, honako baldintza hauek bete beharko ditu:
  • Gaztedi Busturialdea proiektua osatzen duten udalerrietako batean erroldatuta egotea, gutxienez, EJZn alta eman aurreko urte jarraitu batean.
  • 36 urte bete barik izatea EJZn alta emandako datan.
• EJZn eta LAABn alta emateak etengabea izan behar du hasierako alta-datatik laguntzen ebazpen-datara arte.
• Ekonomia Jardueren gaineko Zergan alta emateak eta Negozio Planak zuzeneko lotura izan behar dute.

6. ESKABIDEAK: AURKEZTU BEHARREKO DOKUMENTAZIOA, EPEA ETA MODUA

Eskabidea, sustatzaileak berak (edo sustatzaileetako batek) pertsonan eroan beharko du (ez da onartuko aholkularitza enpresek aurkeztutako dokumentaziorik).

Balorazio-irizpideak (I. Eranskina)
Eskaera bat baino gehiagoren artean berdinketa egotekotan, Gaztedi Busturialdea proiektua osatzen duten udalerrien arteko banaketa bidezkoa izango dela bermatuko da.

Aurkeztu beharreko dokumentazioa:

• Sustatzailearen edo sustatzaileen NANa(k).
• Langile Autonomoen Araubide Berezian (LAAB) edo baliokidean alta emanda egotearen ziurtagiria.
• Ekonomia Jardueren gaineko Zergan (EJZ) alta emanda egotearen ziurtagiria.
• Erakunde juridikoa denean, eraketa egiaztatzen duen agiria.
• Ogasunarekin eta Gizarte Segurantzarekin egunean egotearen ziurtagiriak.
• Bideragarritasun-plana eta negozio plana.
• Langileen kontratuak, halakorik balego.
• Minusbaliotasun-ziurtagiria, halakorik balego.
• Zinpeko aitorpena (II. Eranskina).
• Lan-eremuaren alokairu-kontratua edo salerosketaren dokumentazioa.

Laguntza eskatzeko epea:
Eskaera egiteko epea: 2024/06/01etik  2024/06/30era.
Ebazteko epea: 3 hilabete eskabidea aurkezteko epea amaitzen denetik.

Eskabideak honako leku hauetara bideratuko dira:

· GIZ BERMEO – Bermeoko Gazteentzako Informazio Zerbitzua

Irakaskintza kalea 14-16 – 48370 BERMEO – Tel.: 94 617 91 58

Bermeon, dokumentazioa aurkezteko:

BERHAZ BERMEO – Ertzilla kalea 6, Bermeo

· URREMENDI LGE – Busturialdeko Herri Txikien Gazteria Zerbitzua

Domingo Alegria enparantza z.g. (Merkatua) – 48330 GERNIKA-LUMO – Tel.: 94 625 76 09

· Gernika-Lumoko Gazteentzako Informazio Bulegoa

Foru Plaza 2 – 48300 GERNIKA-LUMO – Tel.: 94 627 02 15

Informazio gehiago:

www.gaztedibusturialdea.eus

info@gaztedibusturialdea.eus

Eskualdeko gazteak lan mundura sartzea ahalbidetzen duen ‘Lana bilatzea, Lana’ da programa Bizkaiko Foru Aldundiaren Gaztedi Busturialdea proiektuan kokatuta dago eta lehiaketaren edizio berri honek beren ideia berritzaileak abiatzeko eta enpresa ikuspegia saritzeko aukera eskaintzen die Busturialdeko gazteei.

Busturialdeko X. Enpresa Ideia lehiaketaren helburuak, besteak beste, Busturialdean kultura ekintzailea sustatzea, komertzialki bideragarriak diren zerbitzu eta produktuak garatze aldera; eskualdean enplegua eta aberastasuna sortzea eta Busturialdeko ekonomiaren garapena bultzatzea eta sustatzea dira.

Aurreko urteetan bezala, lehiaketan 18 eta 35 urte bitarteko gazteek edo gazte-taldeek parte hartu ahal dute, betiere, aurkeztutako enpresa ideia Busturialdean kokatzen bada. Zerbitzu edo produktu bat sortzeko ideiak edota 2023. urtean sortutako negozioak/enpresak izan daitezke, baina derrigorrez Busturialdean egon beharko dira, eta sustatzaileak/ek arestian adierazitako adin-betekizuna bete beharko du(te).

Epaimahaiak jarraian adierazitako irizpideak baloratuko ditu aurkeztutako proiektuetan:

1. Ideiaren originaltasuna eta berrikuntza maila: balio erantsia edukitzea edota originala izatea.
2. Talde edo norbanako ekintzaileak proiektua garatzeko dituen gaitasunak.
3. Enplegua sortzeko aukera eta horien kalitatea.
4. Negozioaren potentziala, garapen maila eta Busturialdean gauzatzeko bideragarritasun teknikoa eta ekonomiko-finantzarioa.
5. Eskura dauden baliabideen aprobetxamendua, jasangarritasuna eta proiektuaren gizarte-erantzukizuna.
6. Gizarte-eragina.

Lehiaketan parte hartu nahi dutenek datorren azaroaren 10ekoko 14:00ak arteko epea dute beren proposamenak aurkezteko. Sari-banaketa azaroaren 23an izango da, 19:00etatik aurrera, Sukarrietako BBK Kliman.

Irabazleak 3.000 euroko saria jasoko du, bigarrenak 2.000 eurokoa eta lehen sektoreari lotutako ideiarik onenak, aldiz, 1.000 euro jasoko ditu, aurreko sarietako baten bat jaso ez badu. Gainera, lehenengo eta bigarren sarituei, urtebetez doako usufruktuan lan egiteko lanpostu bat utziko zaie Arratzu Elkartegia Langunean. Era berean,  Torrealday Aholkularitzak doan emango dio irabazleari urtebeteko iraupena izango duen aholkularitza-zerbitzua (fiskala, lanekoa eta kontabilitatekoa), eta bigarrenari, ordea, sei hilabetekoa.

Aurten, gainera, hiru sari horietatik aparte, Ü-BAI Eskualdeko Garapen Ekonomikorako Planaren lau ardatz sektorialetara bideratutako enpresa edo enpresa-ideia onena ere sarituko da. Horrek 1.000 euroko saria eramango du, betiere aurreko sarietako baten bat jaso ez badu.

Ü-BAI Eskualdeko Garapen Ekonomikorako Planaren lau ardatz sektorialak honakoak dira:

• Turismo Jasangarria.
• Arrantza eta Elikadura.
• Egurra Eraldatzeko Berrikuntza Gunea.
• Garapen Teknologiko-Enpresariala.

Epaimahaiaren iritziz ideiek ez badute gutxieneko kalitate eta originaltasun mailarik, sariak (bat, batzuk edo guztiak) eman gabe gera daitezke.

Ü-BAI Eskualdeko Garapen Ekonomikorako Planaren lau ardatz sektorialetara bideratutako enpresak edo enpresa-ideia onena sarituko da aurten

Izen-emate orriak Bermeoko eta Gernika-Lumoko Udaletako Gazte Informazio Zerbitzuetan edo Urremendi Landa Garapen Elkarteko bulegoan jaso ahal dira. Gainera, web-orri honen bitartez ere deskargatu ahal dira, albiste honen bukaeran. Izen-emate orri horiek eta beharrezko dokumentazio guztia paperean aurkeztu beharko dira, 2023ko azaroaren 10eko 14:00ak baino lehenago.

2022ko ideia irabazleak

Joan zen urtean, HAZIBERRIAK, Iñigo Arruabarrenak (33 urte, Ibarrangelu. Nekazaritzako ingeniari teknikoa) bultzatutakoak izan zuen lehen saria, espazio naturalen diseinuan eta instalazioan oinarritzen zan ideia eta martxan dago jada.

Bigarren saria,URDAIBAI SURF CENTER (USC)proiektuak lortu zuen. Proposamenaren atzean Unai Romero zegoen(22 urte, Busturia. ADEko ikaslea). Irristatze-kiroletarako parke tematikoen ideiarekin lotutako kontzeptu berri bat aurketu zuen eta baita sortu eta marxtan jarri ere.

Bestalde, ETXETXU TOMATIEK proiektuak lehen sektorearekin lotutako ideiarik onenaren saria lortu zuen, tomateen salmentan oinarritzen zen enpresa-ideia bat, Jon Gerrikaetxebarriaren eskutik (32 urte, Gernika-Lumo).

Eta, amaitzeko, ZURESKU proiektuak esparru teknologikoko Start Up bat sortzeko edo garatzeko enpresa-ideia onenaren saria lortu zuen, Marta Bosquet (25 urte, Bilbo. ADE + Kontuen Ikuskaritzako Masterra), Nora Ercoreca (24 urte, Bilbo. Gradua Gizarte Hezkuntzan eta Kirola, Hezkuntza eta Bizikidetzan Masterra egiten) eta Mikel Gimenoren (24 urte, Bakio. Industria Ingeniaritzako ikaslea) negozio ideia zan.

Oinarriak

Lehiaketaren oinarriak eta izen-emate orriak

1. XEDEA
Gaztedi Busturialdea proiektuak biltzen dituen herrietan erroldatutako gazteek enpresak sortu eta honeek sendotzeko dirulaguntzak ematea.

2. ZUZKIDURA EKONOMIKOA
21.080,00 €

3. LAGUNTZAREN ONURADUNAK
Gaztedi Busturialdea proiektua osatzen duten udalerrietan erroldatutako 35 urtetik beherako gazteak (Ajangiz, Arratzu, Bermeo, Busturia, Elantxobe, Ereño, Errigoiti, Foru, Gautegiz Arteaga, Gernika-Lumo, Kortezubi, Mendata, Morga, Mundaka, Murueta, Muxika, Nabarniz eta/edo Sukarrieta).

4. LAGUNTZAREN ZENBATEKOA
2.500,00 € (Baldin eta eskaera egin arte egindako inbertsioa 600 €-tik gorakoa bada).

Dirulaguntza hauek enpresak sortzeko eta sendotzeko beste laguntza batzuekin bateragarriak dira

5. BALDINTZAK
Laguntzen onuradun izateko bete beharreko baldintzak honako hauek dira:

• Ekonomia Jardueren gaineko Zergan (EJZ) eta Langile Autonomoen Araubide Berezian (LAAB) edo baliokidean alta emanda egotea: 2022/01/01 – 2022/12/31, biak barne.
• Edozein forma juridiko izatea.
• Bazkideetako batek, gutxienez, honako baldintza hauek bete beharko ditu:
  • Gaztedi Busturialdea proiektua osatzen duten udalerrietako batean erroldatuta egotea, gutxienez, EJZn alta eman aurreko urte jarraitu batean.
  • 36 urte bete barik izatea EJZn alta emandako datan.
• EJZn eta LAABn alta emateak etengabea izan behar du hasierako alta-datatik laguntzen ebazpen-datara arte.
• Ekonomia Jardueren gaineko Zergan alta emateak eta Negozio Planak zuzeneko lotura izan behar dute.

6. ESKABIDEAK: AURKEZTU BEHARREKO DOKUMENTAZIOA, EPEA ETA MODUA

Eskabidea, sustatzaileak berak (edo sustatzaileetako batek) pertsonan eroan beharko du (ez da onartuko aholkularitza enpresek aurkeztutako dokumentaziorik).

Balorazio-irizpideak (I. Eranskina)
Eskaera bat baino gehiagoren artean berdinketa egotekotan, Gaztedi Busturialdea proiektua osatzen duten udalerrien arteko banaketa bidezkoa izango dela bermatuko da.

Aurkeztu beharreko dokumentazioa:

• Sustatzailearen edo sustatzaileen NANa(k).
• Langile Autonomoen Araubide Berezian (LAAB) edo baliokidean alta emanda egotearen ziurtagiria.
• Ekonomia Jardueren gaineko Zergan (EJZ) alta emanda egotearen ziurtagiria.
• Erakunde juridikoa denean, eraketa egiaztatzen duen agiria.
• Ogasunarekin eta Gizarte Segurantzarekin egunean egotearen ziurtagiriak.
• Bideragarritasun-plana eta negozio plana.
• Langileen kontratuak, halakorik balego.
• Minusbaliotasun-ziurtagiria, halakorik balego.
• Zinpeko aitorpena (II. Eranskina).
• Lan-eremuaren alokairu-kontratua edo salerosketaren dokumentazioa.

Laguntza eskatzeko epea:
Eskaera egiteko epea: 2023/09/18tik 2023/10/18era.
Ebazteko epea: 3 hilabete eskabidea aurkezteko epea amaitzen denetik.

Sari banaketa ekitaldia Busturiako BBK Klima Abenturan burutu da eta zuzenean eman da webgune honen bidez. Haziberriak izeneko ideiak jaso du 3.000 euroko lehenengo saria eta Urdaibai Surf Center (USC) ideiarentzat izan da bigarren saria, 2.000 eurokoa. Diruzko sariaz gain, bi irabazle hauei, Arratzuko Elkartegiko langune bat doan erabiltzeko aukera ere lagako zaie urte batez euren ideia aurrera eramateko. Halaber, Torrealday Aholkularitza empresa gernikarrak irabazleari urtebeterako aholkularitza zerbitzua (zerga, lan eta kontabilitate-aholkularitza) emango dio doan eta bigarrenari, aldiz, sei hilabeterakoa.

Guztira, 10 izan dira eskualdeko ekintzaile gazteek aurkeztu dituzten enpresa ideiak.

Ideia irabazlea, HAZIBERRIAK, Iñigo Arruabarrenak (33 urte, Ibarrangelu. Nekazaritzako ingeniari teknikoa) bultzatutakoa izan da. Zerbitzua espazio naturalen diseinuan eta instalazioan oinarritzen da, permakultura zein nekazaritza eta abeltzaintza erregeneratiboaren ekarpenak kontuan hartuz. Eskainiko diren diseinu hauek hainbat elementu desberdin izango dituzte, haien artean elkarlana nabarmentzen da. Atal bakoitza sistema osoaren onura bilatuz diseinatzen da: ortuak, berotegiak, basoak, abeltzaintza, energia sistemak, hidrologia-diseinuak… “Orain arte Euskal Herrian ez da landa eremuak diseinatzeko joerarik izan, eta ondorioz, elikagaien ekoizpen prozesuetan efizientzia eta bioaniztasun galera izugarriak izan dira. Diseinu era honek, gure arbasoen ezagutza tradizionala eta teknologia batzen ditu, sistema guztiaren onurarako”, adierazi du Iñigok.

Bigarren saria, 2.000 eurokoa, URDAIBAI SURF CENTER (USC) proiektuak lortu du. Proposamenaren atzean Unai Romero dago (22 urte, Busturia. ADEko ikaslea). Irristatze-kiroletarako parke tematikoen ideiarekin lotutako kontzeptu berri bat da aurkeztutakoa. Mota horretako kirolak segurtasun eta erosotasun giroan egitea ahalbidetu nahi du. Erakargarri nagusia olatuen igerilekua da. 400-600 m2-ko azalerarekin, 40zm eta metro bat bitarteko olatuak sortzen ditu, ezin hobeak kirola egiten hasteko. Erakargarri osagarria Pump Truck-a da (Skate Park). Hemen irristatze-kirolen teknika eta ezagutza teorikoak praktikatzen dira gaian adituak diren monitoreekin.

Bestalde, ETXETXU TOMATIEK proiektuak lehen sektorearekin lotutako ideiarik onenaren saria lortu du (1.000 eurokoa). Tomateen salmentan oinarritzen den enpresa-ideia bat da. Jon Gerrikaetxebarriak (32 urte, Gernika-Lumo) azaldu duenez, bere produktu nagusia, dagoeneko merkaturatzen ari dena, negutegiko tomatea da, duela 50 urte baino gehiagotik hazia mantentzen eta gordetzen duen tomatea. Hazia berea denez, urtez urte aukeratzen ditu berarentzat tomaterik onenak direnak. Produktu onena nahi duten bezeroei zuzendutako proiektua da. Gaur egun, GazteNek Berri laguntza-programaren parte da.

Eta, amaitzeko, ZURESKU proiektuak esparru teknologikoko Start Up bat sortzeko edo garatzeko enpresa-ideia onenaren saria lortu du, 1.000 eurokoa. Marta Bosquet (25 urte, Bilbo. ADE + Kontuen Ikuskaritzako Masterra), Nora Ercoreca (24 urte, Bilbo. Gradua Gizarte Hezkuntzan eta Kirola, Hezkuntza eta Bizikidetzan Masterra egiten) eta Mikel Gimenoren (24 urte, Bakio. Industria Ingeniaritzako ikaslea) negozio ideia hau, Bermeoko ostalaritza eta baserriak/nekazariak biltzen dituen aplikazio batean laburbiltzen da, egunez egun aprobetxatzen ez dituzten produktuei irteera bat eman nahian, beren jarduera eta lehengaia ahalik eta gehien ustiatuz.

Hiri handietan “Too Good to go” bezalako aplikatiboak aurki daitezkeen bezala, ez dute uste oraingoz teknologia hori landa-inguruneari aplika dakiokeenik; beraz, hala badagokio, proiektua aplikazio-eredu erraz bat ezartzean datza, publiko objektiboarentzat irisgarria – oso publiko zabala –, Busturialde osoa konektatuko duen sare bat sortu ahal izateko itxaropenarekin. “Gure helburua eskura ditugun baliabideak aprobetxatzea eta gure ingurunean kontsumo arduratsua egitea da; izan ere, gaur egun, gure inguruan zakarrontzira botatzen den janari kantitatearen lekuko gara, eta munduaren etorkizuna gure adineko jendearen esku dagoela uste dugu”, adierazi dute.

Guztira, 7.000 euro banatu dira gazte ekintzaileei laguntzeko enpresa-proiektu berriak abian jartzeko

Lehiaketa eskualdeko gazteei zuzenduta dago, eta Busturialdeko gazteen artean kultura ekintzailea sustatzea eta enplegua sortzea du helburu.

Sariak Ager Lejarreta Urremendi Landa Garapen Elkarteko lehendakariak eta Lourdes San Severino eta Alazne Zumeta Gernika-Lumoko eta Bermeoko Udaletako Gazteria zinegotziek banatu dituzte, hurrenez hurren.

Epaimahaia honako hauek osatu dute: Joseba Irazabal, Gernika-Lumoko Udaleko ordezkaria eta Lanbide Ekimenak-eko Autoenplegu eta Enpresa teknikaria; Mikel Magunazelaia Pinaga, Busturialdeko Urremendi Landa Garapen Elkarteko ordezkaria eta Foruko alkatea; Nerea Mintegi, Bermeoko Udaleko ordezkaria eta Bermeoaldeko Behargintzako zuzendaria; Leire Zaballa, Bizkaian HAZIko ekintzailetza-teknikaria; Unai Gorroño, Egoin S.A.ko marketin-zuzendaria; Begoña Andres, IES Barrutialdeko zuzendaria eta Bibiana Garcia Rodrigo, Bizkaiko Foru Aldundiko Eskualde Garapeneko Zerbitzuko teknikaria. Epaimahaiak proposamenen izaera berritzailea, balio erantsia eskaintzea eta originaltasuna baloratu ditu; kalitatea eta enplegua sortzeko potentzialitatea edo proiektua eskualdean garatzeko aukerak ere bai, besteak beste.

Lehiaketa 18 eta 35 urte bitarteko gazteei zuzenduta dago, laneratzea errazteko, ideia berritzaileei irteera emateko eta enpresa interesak saritzeko.

Guztira, 18 izan dira laguntzen lehen deialdira aurkeztutako Busturialdeko enpresak eta horietatik zortzik lortu dituzte diru-laguntzak:

• Bermeoko Taho Rental (turismoa. Ontzien alokairua, ibilbideak…)
• Mundakako Flow Mundaka (Surf denda)
• Gernika-Lumoko Geroa Zentroa (fisioterapia, osasun eta errendimenduko zentroa)
• Gernika-Lumoko La Fierbinti (janari denda)
• Gernika-Lumoko Urdaifit (kirol zentroa)
• Gernika-Lumoko Eroski Taberna (ostalaritza)
• Gernika-Lumoko Amäika (interiorismo estudioa / diseinuko proiektuak)
• Gernika-Lumoko Caos Estudio (argazkilaritza estudioa)

Onuradunak 35 urtetik beherako eskualdeko gazteak dira, 2021ean enpresa bat sortu zutenak eta Gaztedi Busturialdea proiektuaren parte diren udalerrietan erroldatuta daudenak

Deialdiaren zuzkidura ekonomikoa 21.080 eurokoa da, eta onuradunak 35 urtetik beherako gazteak dira, 2021ean enpresa bat sortu zutenak eta Gaztedi Busturialdea proiektuaren parte diren udalerrietan erroldatuta daudenak.

Laguntza bakoitzaren zenbatekoa 2.500 eurokoa da. Diru-laguntza hauek enpresak sortzeko eta sendotzeko beste laguntza batzuekin bateragarriak dira.

Bermeoko eta Gernika-Lumoko Udaletako gazteria zerbitzuek, Urremendi Landa Garapen Elkarteak eta Bizkaiko Foru Aldundiak lankidetza-hitzarmena sinatu zuten ekainean Gaztedi Busturialdea proiektua garatzeko eta gauzatzeko. Helburua, lankidetzarako esparrua ezartzea da, Busturialdeko udalerrietan gazteriaren arloko politika integrala ezarriz, sustatuz eta garatuz, gazteriaren arloko “Bizkaia Gazteak” estrategiarekin bat etorriz. Bada, diru-laguntza hauek hitzarmen honen barruan sartzen dira.

Turismo Jasangarriaren Europako Gutunaren esparruan, iraunkortasunaren ikuspegitik turismoaren garapena sustatzera bideratutako enpresa-ideia onena ‘Harri Artean Abentura Parkea’ ideiak eraman du. Azken honek 1.000 euroko saria lortu du.

Busturialdeko VIII. Enpresa Ideia lehiaketaren sari banaketa ekitaldia Gernika-Lumoko Lizeo Antzokian burutu da eta zuzenean eman da streaming bidez. Urgain enpresak jaso du 3.000 euroko lehenengo saria eta Melodeep izenekoak 2.000 euroko bigarren saria. Enpresa ideia bi hauen sustatzaileek, gainera, Arratzuko Elkartegiko langune bat doan erabiltzeko aukera ere izango dute urte batez euren ideia aurrera eramateko. Halaber, Torrealday Aholkularitza empresa gernikarrak irabazleari urtebeterako aholkularitza zerbitzua (zerga, lan eta kontabilitate-aholkularitza) emango dio doan eta bigarrenari, aldiz, sei hilabeterakoa.

Harri Artean Abentura Parkea ideiarentzat izan da Turismo Jasangarriaren Europako Gutunaren esparruan, iraunkortasunaren ikuspegitik turismoaren garapena sustatzera bideratutako enpresa-ideiarik onena. Sari berezi honek 1.000 euroko saria eraman du.

Guztira, 19 izan dira eskualdeko ekintzaile gazteek aurkeztu dituzten enpresa ideiak.

Busturian dagoen Urgain enpresa irabazlea Busturialdean aitzindaria da, eta segurtasun eta berrikuntza zerbitzuen sektorera bideratuta dago, droneak erabiliz.

Ideia hobby batetik sortu zen, eta pixkanaka ezagutza eta aplikazio gehiago lortu dira, enpresa-proiektu bideragarri bat sor daitekeela ikusiz.

Jarduera ekonomikoa hainbat irudi lortzean eta tratatzean oinarritzen da, eta horietan oinarrituta hainbat proiektu egin daitezke. Ildo horretan, enpresak eskaintzen dituen zerbitzuak askotarikoak dira, eta honako sektore hauetan aplikatzen dira: ingurumenaren zaintza eta kontrola, nekazaritza eta basozaintza, biodibertsitatea, azpiegituren azterketa, fotometria, larrialdia eta babesa eta aireko argazkia eta ikus-entzunezko filmazioa. Bai administrazio publikoan eta enpresa pribatuan, bai pertsona indibidualetan.

Borja Txertudi (Busturia, 1993) eta Ander Etxaniz (Busturia, 1992) gazteek adierazi dutenez, “enpresak droneen erabileran oinarritutako zerbitzu soil bat sal dezake askotariko irudi zehatzak lortzeko edo materialak edo fumigazioak garraiatzeko, besteak beste. Edo balio erantsiko produktu bat, hainbat sektoretarako tratatutako irudiak aztertu eta interpretatzean”.

Bigarren saria, Melodeep, Paul Larrozea (Bermeo, 1992) bermeotar gaztearen eskutik iritsi da. “Melodeep marka musika elektronikoaren zatirik ederrena erakusteko sortu zen, pintura, ikus-entzunezko ekoizpenak, dantza edo inspirazio iturri izan daitekeen beste edozein arte adierazpenekin nahastuta“, adierazi du.

Diseinuan eta Produktuaren Garapenean Masterra duen industria-ingeniari gazte honek, gaur egun DJ gisa eta ekitaldien sustatzaile eta antolatzaile gisa diharduenak, proposatzen duena da bertako artistak (DJ, musikariak, margolariak, dantzariak, aktoreak) bilduko dituzten pop-up ekitaldi batzuk sortzea, beste jarduera batzuez inguratuta, hala nola, Euskal Herrian egiten diren azoken tankerako tokiko produktuen tailer eta postuez. “Horrela, gauez irtetearen kontzeptuari eguneko alternatiba bat proposatuko litzaioke, jendea adierazpen artistikoen bidez inspiratzeko eta jasangarritasunarekin eta berrikuntzarekin konpromisoa duten tokiko ekoizleei ikusgarritasuna emateko“, adierazi du.

Bi sari horiez gain, Turismo Jasangarriaren Europako Gutunaren esparruan, iraunkortasunaren ikuspegitik turismoaren garapena sustatzera bideratutako enpresa-ideiarik onena saritu da, izan ere, Urdaibai Euskadiko lehen turismo-helmuga jasangarria izendatu dute joan den udan. Harri Artean Abentura Parkea izan da ideia irabazlea.

Jarduera ekonomikoa Ereñon dagoen abentura anitzeko parke baten ustiapenean oinarritzen da. Parke horretan, lursailaren zati bat baliatuko dute autokarabanentzako aparkaleku ekologiko bat sortzeko, turismo jasangarrirako espazio bat eskainiz.

Zerbitzua parke barruan eskainiko diren jarduera batzuk izango dira, natura eta ingurumena ahalik eta gehien errespetatzen saiatuz. Jarduera guztiak zuhaitzekin eta arrokekin lotuta egongo dira, adibidez: harkaitzetako labirinto natural bat, eskalatzeko gunea, bulderra eta speed climbinga; burdinbide bat, slackline, tirolinak, skate pista bat, aisialdirako eta jolaserako gune bat…

Aser Cid Foruria (Gernika-Lumo, 1999) sustatzaileak azaldu duenez, “parkeaz gain, autokarabanak aparkatzeko zona bat sortuko da, eremu horretan eskaera handia dagoelako eta gaur egun aparkatzeko eta gaua igarotzeko espazio egokiturik ez dutelako“.

Guztira, 6.000 euro banatu dira negozio ideiok martxan jartzen laguntzeko

Guztira, 6.000 euro banatu dira negozio ideiok martxan jartzen laguntzeko. Gainera, bi ideia irabazleak Arratzuko Elkartegiko langune bat doan erabiltzeko aukera ere izango dute urte batez euren ideia aurrera eramateko. Halaber, Torrealday Aholkularitza empresa gernikarrak irabazleari urtebeterako aholkularitza zerbitzua (zerga, lan eta kontabilitate-aholkularitza) emango dio doan eta bigarrenari, aldiz, sei hilabeterakoa.

Sari banaketa ekitaldia era presentzialean burutu da baina zuzenean eman da www.gaztedibusturialdea.eus webgunearen bitartez. Besteak beste, Maitane Leizaola Bizkaiko Foru Aldundiko Ahaldun Nagusiaren Kabinetea Koordinatzeko zuzendari nagusiak, Jose Maria Gorroño Gernika-Lumoko alkateak, Alazne Zumeta Bermeoko Udaleko Gazteria zinegotziak eta Ager Lejarreta Busturialdeko Landa Garapenerako Elkarteko lehendakari eta Ereñoko Udaleko alkateordeak banatu dituzte sariak.

Busturialdeko VIII. Enpresa Ideia lehiaketa Urremendi Landa Garapen Elkarteak batzen dituen Ajangiz, Arratzu, Busturia, Ereño, Forua, Gautegiz-Arteaga, Kortezubi, Mendata, Morga, Mundaka, Murueta, Nabarniz eta Sukarrietako udalek eta Bermeoko eta Gernika-Lumoko udaletako gazteria zerbitzuek jarri dute martxan zortzigarren urtez jarraian. Bere helburuak, beste batzuen artean, ekintzailetza kultura hedatzea, Busturialdean lana eta aberastasuna sortzea eta eskualdeko ekonomia sustatzea dira. Lehiaketa, Bizkaiko Foru Aldundiaren ‘Gaztedi Busturialdea’ proiektuan kokatzen da, ‘Lana bilatzea, Lana da’ programaren barne.

Epaimahaia honako hauek osatu dute: Nerea Mintegi, Bermeoko Udaleko ordezkaria eta Bermeoaldeko Behargintzako zuzendaria; Joseba Irazabal, Gernika-Lumoko Udaleko ordezkaria eta Lanbide Ekimenak-eko autoenpleguko eta enpresako teknikaria; Joseba Mallea, Mendatako alkatea eta Busturialdeko Landa Garapenerako Urremendi Elkarteko gazteen ordezkaria; Leire Zaballa, Bizkaiko haziko ekintzailetzako teknikaria; Begoña Andrés, Barrutialde institutuko zuzendaria; Borja Lastra, Bizkaiko Foru Aldundiko Eskualde Garapeneko Zerbitzuko teknikaria eta Unai Gorroño, Egoin SAko Merkataritza eta Marketineko zuzendaria.

Besteak beste, proposamenen izaera berritzailea, ematen duen balio erantsia eta originaltasuna, enplegua sortzeko potentzialtasuna eta haren kalitatea, edo proiektua eskualdean garatzeko gaitasuna baloratu dute.

Online burutu da Busturialdeko VII. Enpresa Ideia lehiaketaren sari banaketa ekitaldia eta zuzenean eman da streaming bidez. ‘ArrAIn’ izeneko ideiak jaso du 3.000 euroko lehenengo saria eta ‘N’ Espacio para eventos y alojamiento rural ideiak 2.000 euroko bigarren saria. Enpresa ideia bi hauen sustatzaileek, gainera, Arratzuko Elkartegiko langune bat doan erabiltzeko aukera ere izango dute urte batez euren ideia aurrera eramateko. Halaber, Torrealday Aholkularitza empresak irabazleari urtebeterako aholkularitza zerbitzua (zerga, lan eta kontabilitate-aholkularitza) eman dio doan eta bigarrenari, aldiz, sei hilabeterakoa. Guztira, 32 izan dira eskualdeko ekintzaile gazteek aurkeztu dituzten enpresa ideiak, inoiz baino gehiago.

Lehenengo saria jaso duen ArrAIn ideia, proiekzio konputazionalean, adimen artifizialean eta Big Datan oinarritutako sistema da. Ibon Reinoso (Bermeo, 1994) bermeotarra eta Eneko Gonzalez de Audikana (Etxebarri, 1996) eta Mikel Amutio (Etxebarri, 1996) dira ideiaren hiru sustatzaileak.

Aipatu dutenez, “eskandailua monitorizatu eta doitzeko erabiliko da, une honetan erabiltzen den teknika tradizionala, oso motela eta zehaztasun gutxikoa baita. Sistema horri esker, ontzi jakin batean harrapatutako espezieei buruzko informazioa zehatz eta denbora errealean monitorizatu ahal izango da, hobeto saldu ahal izateko. Gainera, arrantzaguneen trazabilitatea ez ezik, harrapatutako populazioa tailaketaren bidez ikusteko gaitasuna ere kontuan hartuko da”.

“Gure ustez, itsas sektorea babesteko ardura dugu, historikoa delako gurean. Arrantza-sektorea bolada txarrean dago eta, ondorioz, itsasotik bizi diren familia osoak arriskuan daude”, gaineratu du Ibon Reinosok, ideiaren sustatzaileetako batek.

Bigarren saria ‘N’ Espacio para eventos y alojamiento rural izeneko enpresa ideiarentzat izan da. Ekitaldietarako eta landa-ostaturako gunea da ‘N’, Gernika-Lumoko Cid Foruria neba-arreben eskutik, Yaiza (Gernika-Lumo, 1986), Ania (Gernika-Lumo, 1990) eta Aser (Gernika-Lumo, 1999). Ideia euren ekitaldi-enpresa propioa sortu zutenean espazio falta zegoela ikusi eta sortu zen. “Ekitaldiaren zerbitzu integrala eskaini nahi dugu, enpresa, erakunde eta partikularrek kultura, enpresa edo gizarte arloko ekitaldiak alokatu eta horiei lekua egin ahal izateko. Bertan, gainera, bertaratzen direnek ostatu hartu ahal izango dute. Gure eskualdean esperientziak sortzeko gune bat, non ekitaldien eta aisialdiaren sektoreko enpresek beren produktua gure ingurunean eskaini ahal izango duten”, aipatu dute.

Lehen sektorearekin lotutako ideia onena Bertokuek enpresa izan da. Xabier Ortuzarrek (Bermeo, 1986), Mikel Vallek (Bermeo, 1986) eta Endika Baonzak (Bermeo, 1998) aurten martxan jarritako enpresak bi ardatz ditu: batetik bertoko produktuen kontsumoa sustatu eta gure ekoizleak balioan jartzea eta, bestetik, inguruko soroak eta bedarguneak biziberritu eta aktibatzea. “Gure esku dagoen guztia egingo dugu bertoko ekoizleak gure egunerokotasunera ekartzeko, promozioa, banaketa… Ekoizle eta kontsumitzaileen arteko erlazio bat sortu nahi dugu eta horretarako Bermeon denda bat ireki dugu. Gainera, inguruko soroak egokitzeko mantenu-lanak ere eskainiko doguz”, aipatu dabe sustatzaileek.

Martxotik bizi dugun ezhoiko pandemia egoera dela eta, bigarren sari berezia COVID-19ak eragindako egoera arintzera bideratutako ideia onenari eman zaio, ‘DI-DA Busturialdeko Delivery Zerbitzua’ izenekoari, hain justu. Bitartekari lanak egiten dituen zerbitzu-enpresa da, Delivery-az, hau da, denda eta jatetxeetatik etxeetara produktuak garraiatzeaz arduratzen dena. “Ez gara jatetxeetako janaria entregatzeaz soilik ari. DI-DA enpresako garraiolariek denetarik eramango dute etxeetara (supermerkatuko erosketa, medikamentuak, ferreteriako produktuak, ogia, tabakoa, optikako lentilak, e.a.) komisio baten truke”, esan dute Leire Gomezek (Gernika_lumo, 1998) eta Olaia Arejitak (Arratzu, 1997) , ideiaren sustatzaileak.

Guztira, 7.000 euro banatu dira saritan negozio ideiok martxan jartzen laguntzeko

Sari banaketa ekitaldia online burutu da, zuzeneko streaming bidez www.gaztedibusturialdea.eus webgunearen bitartez. Ekitaldiak honakoak batu ditu zuzenean: Joseba Mariezkurrena, Bizkaiko Foru Aldundiko Ekonomi Sustapen Saileko Zuzendaria; Aritz Abaroa, Bermeoko alkate-jauna; Jon Lejarraga, Gernika-Lumoko zinegotzia eta Urremendi Landa Garapen Elkarteko presidente eta Ereñoko alkateorde, Ager Lejarreta.

Busturialdeko VII. Enpresa Ideia lehiaketa Urremendi Landa Garapen Elkarteak batzen dituen Ajangiz, Arratzu, Busturia, Ereño, Forua, Gautegiz-Arteaga, Kortezubi, Mendata, Morga, Mundaka, Murueta, Nabarniz eta Sukarrietako udalek eta Bermeoko eta Gernika-Lumoko udaletako gazteria zerbitzuek jarri dute martxan zazpigarren urtez jarraian. Bere helburuak, beste batzuen artean, ekintzailetza kultura hedatzea, Busturialdean lana eta aberastasuna sortzea eta eskualdeko ekonomia sustatzea dira. Lehiaketa, Bizkaiko Foru Aldundiaren ‘Gaztedi Busturialdea’ proiektuan kokatzen da, ‘Lana bilatzea, Lana da’ programaren barne.

Epaimahaia honako hauek osatu dute:

• Bermeoko Udaleko ordezkaria: Nerea Mintegi Elorriaga (Behargintzako zuzendaria).
• Gernika-Lumoko Udaleko ordezkaria: Joseba Irazabal Obieta (Lanbide Ekimenak-eko teknikaria).
• Urremendi LGEko ordezkaria: Joseba Mallea Lamikiz (Gaztedi Busturialdeako ordezkaria).
• Barrutialde Institutuko zuzendaria: Begoña Andrés Elorriaga.
• HAZIko ordezkaria: Leire Zaballa Larizgoitia (Ekintzailetza teknikaria).

Baloratzerako orduan, honako irizpide hauek hartu dira kontuan: izaera berritzailea, balio erantsia eskaintzea edota originaltasuna; enplegua sortzeko duen potentzialitatea eta sortutako lanpostuen kalitatea; ekintzaile taldeak proiektua aurrera eramateko duen gaitasuna; Busturialdean proiektu hori aurrera eramateko aukera egotea edo eskualde honetan proiektu horrek duen egokitzapena; proiektuaren definizio-garapen maila; proiektuaren jasangarritasuna (ekonomikoki eta ingurugiroarekin) eta duen gizarte-eragina.

Busturialdeko VI. Enpresa Ideia Lehiaketaren sari banaketa ekitaldia izan da Gautegiz Arteagako Urdaibai Bird Centerrean. Növérek Events izeneko ideiak jaso du 3.000 euroko lehenengo saria eta Mikobaso ideiarentzat izan da lehen sektorearekin lotutako ideia onenaren 1.000 eurokoa. Gainera, lehen sarituek Arratzuko Elkartegian urtebeteko langunea ere irabazi dute. Guztira, 7 izan dira eskualdeko ekintzaile gazteek aurkeztu dituzten enpresa ideiak.

Lehenengo saria jaso duen Növérek Events era guztietako ekitaldiak antolatu, kudeatu eta koordinatzea helburu duen enpresa da. Yaiza Cid Foruria (Gernika-Lumo, 1986) eta Ania Cid Foruria (Gernika-Lumo, 1990) ahizpa gernikarrak dira enpresa ideiaren sustatzaileak eta aurten martxan jarri dute euren ametsa. “Gure helburua ez da ekitaldiak sortzea, esperientzia ahaztezinak diseinatzea baizik” diote. Eskualdean zein inguruan zerbitzu pertsonalizatuak eskaintzen dituzte. Erakunde zein norbanakoentzako ekitaldien antolakuntza eskaintzen dute, besteak beste, enpresa-ekitaldiak, azokak, ezkontzak, erakustaldiak, kongresuak, kontzertuak, ikuskizunak edo orotako gizarte-ekitaldiak. “Ideiak gure buruan zeraman urteetan zehar, baina martxan jarri aurretik honetan trebatu gara, bidaiatu eta esperientzia ezberdinak bizi atzerrian ekitaldiak antolatuz. Bi emakume ekintzaile gara, lan hau guztiz bokaziozkoa da eta gure sormen guztia garatzeko aukera ematen digu”, esan digute ahizpa gernikarrek.

Bestetik, lehen sektorearekin lotutako ideia onena Mikobaso izan da, baso ustiapen ereduaren eraldaketan oinarritzen den enpresa ideia. Lursailen erabilera aldatzeko alternatiba jasangarriago bat eskainiko die bezeroei, hain zuzen ere, etekin ekonomikoaren jatorria aldatzea eta onddoen ekoizpena gure basoetan ezartzea. Eider Urrutia (Bermeo, 1991) da ideiaren sustatzailea. Ingurumen Zientzietan Graduatua da eta biodibertsitatearen kontserbazioan oinarritutako masterra du. “Biodibertsitatean eta ingurumenean hobekuntzak eragiten dituenez, gizarte osoarentzako onuragarria den jarduera dela esan dezakegu”, dio Urrutiak. “Gainera bertoko onddoak ekoiztean, bertoko produktuen komertzioa sustatzen da, hornitzaile eta komertzio zein jatetxeen arteko sare lokala hobetuz”, gaineratu du.

Guztira, 4.000 euro banatu dira saritan, negozio ideiok martxan jartzen laguntzeko, lehiaketaren helburuetako bat, beti ere, eskualdean lanpostu berriak sortzea bermatzea delarik

Guztira, 4.000 euro banatu dira diru-saritan (eta urtebeteko elkartegiko langunea lehen sarituentzat) negozio ideiok martxan jartzen laguntzeko. Lehiaketaren helburuetako bat eskualdean lanpostu berriak sortzea bermatzea da.

Sari banaketa ekitaldian, besteak beste, Maitane Leizaola, BFAko Ahaldun Nagusiaren Kabineteko Koordinaziorako Zuzendari Nagusiak; Aritz Abaroa, Bermeoko Udaleko alkateak eta Urremendi Landa Garapen Elkarteko presidente eta Ereñoko Udaleko alkateordea, Ager Lejarretak, parte hartu dute.

Busturialdeko VI. Enpresa Ideia Lehiaketa Urremendi Landa Garapen Elkarteak batzen dituen Arratzu, Ereño, Forua, Gautegiz-Arteaga, Kortezubi, Mendata, Morga, Mundaka eta Sukarrietako udalek eta Bermeoko eta Gernika-Lumoko udaletako Gazteria zerbitzuek jarri dute martxan seigarren urtez jarraian. Bere helburuak, beste batzuen artean, ekintzailetza kultura hedatzea, Busturialdean lana eta aberastasuna sortzea eta eskualdeko ekonomia sustatzea dira. Lehiaketa, Bizkaiko Foru Aldundiaren ‘Gaztedi Busturialdea’ proiektuan kokatzen da, ‘Lana bilatzea, Lana da’ programaren barne.

Honako hauek osatu dute aurtengo epaimahaia:

• Bermeoko Udaleko ordezkaria: Nere Mintegi Elorriaga (Bermeoaldeko Behargintzako zuzendaria).
• Bizkaiko Foru Aldundiko ordezkaria: Paula Pereda Perez (BEAZeko teknikaria).
• Gernika-Lumoko Udaleko ordezkaria: Joseba Irazabal Obieta (Lanbide Ekimenak-eko teknikaria).
• HAZIko ordezkaria: Leire Zaballa Larizgoitia (Ekintzailetza teknikaria).
• Urremendi LGEko ordezkaria: Joseba Mallea Lamikiz (Gaztedi Busturialdeako ordezkaria).

Baloratzerako orduan, honako irizpide hauek hartu dira kontuan: izaera berritzailea, balio erantsia eskaintzea edota originaltasuna; enplegua sortzeko duen ahalmena eta sortutako lanpostuen kalitatea; ekintzaile taldeak proiektua aurrera eramateko duen gaitasuna; Busturialdean proiektu hori aurrera eramateko aukera egotea edo eskualde honetan proiektu horrek duen egokitzapena; proiektuaren definizio-garapen maila; proiektuaren jasangarritasuna (ekonomikoki eta ingurugiroarekin) eta ideiak duen gizarte-eragina.