Aisialdia
Bidaiak, musika-jaialdiak eta askoz gehiago!

Busturialdeko 14-17 urteko gazteentzat Lisboara bidaia urriaren 11tik 14ra

  • 2018ko urriaren 11tik 14ra
  • 14/17 urte bitarteko gazteei zuzenduta
  • 150 € / 230 €
  • Izen-emotea abuztuaren 3ra arte edo plazak bete arte
INFORMAZIO OROKORRA ETA IZEN-EMATE EPEA

Busturialdeko Gazteria Zerbitzuek eskualdeko 14 eta 17 urte bitarteko gazteei zuzendutako bidaia antolatu dute Lisboara, urriko zubirako. Lau eguneko bidaia izango da, urriaren 11 iluntzean izango da irteera Bermeotik eta Gernikatik, eta urriaren 14an, domekan, izango da buelta.

Bidaiaren prezioa 150 eurokoa izango da Arratzu, Bermeo, Ereño, Forua, Gautegiz Arteaga, Gernika-Lumo, Kortezubi, Mendata, Morga, Mundaka edo Sukarrietan erroldatutako 14-17 urteko gazteentzako.

Eskualdeko gainerako herrietan erroldatutako gazteek edo Busturialdetik kanpo erroldatutakoek, ordea, 230 euro ordaindu beharko dituzte, beti ere plaza libreak geratuz gero. Horrela, lehentasuna izango dute arestian aipatu udalerrietan erroldatutako gazteek. Lehentasuna adierazteko, errolda ziurtagiria aurkeztu behar izango dute.

Prezioaren barne daude: bidaia Bermeo/Gernikatik Lisboara, joan-etorria; ostatua eta gosaria hoteleko bi gauetan; bidaia asegurua eta begiraleak.

Bazkariak eta afariak gazte bakoitzak bereak ordainduko ditu. Hala ere, bidaia autobusez izango denez, nahi duenak bertotik eraman ahal izango ditu janaria eta edaria.

Izena emateko epea abuztuaren 3ra arte edo plaza kopurua bete arte egongo da zabalik. Bidaian apuntatzeko, derrigorrezkoa da beheko formularioa betetzea eta bidaltzea. Ondoren, plazak daudela egiaztatu ondoren, ordainketa egin beharko da plaza hori erreserbatzeko. Plaza kopurua mugatua da. Beraz, eskainitako plaza kopurua interesdunen kopurua baino txikiagoa bada, hautaketa egingo da eskabidea egin dutenen artean.

Bidaia Arratzu, Bermeo, Ereño, Forua, Gautegiz Arteaga, Gernika-Lumo, Kortezubi, Mendata, Morga, Mundaka eta Sukarrietako Udaletako Gazteria Zerbitzuek antolatu dute.

 

 

BETE BEHARREKO BALDINTZAK

Bidaian parte hartzeko interesatuta dauden gazteek honako baldintza hauek bete beharko dituzte:

  • 14-17 urte izatea, biak barne (2001 eta 2004 urteen artean jaiotakoak).
  • Beheko formularioa betetzea eta bidaltzea. Bidalketa data hartuko da kontuan plazak esleitzerako orduan.
  • Legezko guraso-ahala duten pertsona helduen baimena edukitzea (aita/k, ama/k, gurasoak, legezko tutoreak...).
  • Adingabea atzerrira irteteko baimena beteta eta sinatuta aurkeztea. Derrigorrezkoa da Ertzaintzaren komisaldegira joatea sinatzera. Baimen horren bidez egiaztatzen zaie mugako agenteei adingabeak ez direla lurralde nazionaletik modu irregularrean irteten. Klikatu hemen dokumentua irekitzeko edo/eta deskargatzeko.
  • Arratzu, Bermeo, Ereño, Forua, Gautegiz Arteaga, Gernika-Lumo, Kortezubi, Mendata, Morga, Mundaka edota Sukarrietan erroldatuta egotea 150 euroko prezioa ordaintzeko.
  • Errolda ziurtagiria aurkeztea.
  • Europako Osasun Txartela izatea bidaia egin aurretik (dohainezkoa da).
  • Ordainketa egitea.

Izena eman

Lege oharra onartzen dut (ikusi)

Non aurkitu gure bulegoak?