Ekintzailetza
Jarri martxan!

Busturialdeko IV. Enpresa Ideia Lehiaketa

Proposamenak aurkezteko azken eguna 2017ko azaroaren 10a izango da

Bermeoko eta Gernika-Lumoko udaletako gazteria zerbitzuek eta Urremendi Landa Garapen Elkarteak, Bizkaiko Foru Aldundiarekin batera, “Busturialdeko IV. Enpresa Ideia Lehiaketa” jarri dute martxan, laugarren urtez jarraian. Lehiaketak enplegua sortu eta Busturialdeko gazteen ekintzailetza kultura sustatzea du helburu. Aurreko hiru edizioetan, guztira, ia 60 enpresa eta enpresa ideia aurkeztu ziren.

Eskualdeko gazteak lan mundura sartzea ahalbidetzen duen “Lana bilatzea, Lana da” programa Bizkaiko Foru Aldundiaren ‘Gaztedi Busturialdea’ proiektuan kokatuta dago eta lehiaketaren laugarren edizio honek beren ideia berritzaileak abiatzeko eta enpresa ikuspegia saritzeko aukera eskaintzen die Busturialdeko gazteei.

Busturialdeko IV. Enpresa Ideia Lehiaketaren helburuak, besteak beste, eskualdean ekintzailetza kultura hedatu, Busturialdean lana eta aberastasuna sortu, eskualdeko ekonomia sustatu eta enpresa proiektu onenak saritzea dira.

Aurreko urteetan bezala, lehiaketan 18 eta 35 urte bitarteko gazteek parte hartu ahal dute, beti ere, aurkeztutako enpresa ideia Busturialdean kokatzen bada. Bestalde, posiblea da enpresa ideia edo 2017an sortutako enpresa bat aurkeztea.

Baloratzerako orduan, epaimahaiak honako irizpide hauek kontuan izango ditu:

  • Berritzaile izaera, balio erantsia eskaintzea edo/eta originaltasuna.
  • Enplegua sortzeko duen potentzialitatea eta sortutako lanpostuen kalitatea.
  • Ekintzaile taldeak proiektua aurrera eramateko duen gaitasuna.
  • Busturialdeko eskualdean proiektu hori aurrera eramateko aukera egotea edo eskualde honetan proiektu horrek duen egokitzapena.
  • Proiektuaren definizio-garapen maila.
  • Proiektuaren jasangarritasuna (ekonomikoki eta ingurugiroarekin).
  • Gizarte-eragina.

Lehiaketan parte hartu nahi dutenek heldu dan azaroaren 10eko 14:00ak arteko epea dute beren proposamenak aurkezteko. Sari-banaketa abenduaren 15ean izango da. Lekua eta ordua zehazteke daude oraindik.

Irabazleak 3.000 euroko saria jasoko du, bigarrenak 2.000 eurokoa eta lehen sektorearekin zerikusia duen ideia onenak 1.000 euro jasoko du, aurreko sarietan ez bada saritua izan. Gainera, eta berrikuntza moduan, lehenengo eta bigarren sailkatuei Arratzuko Elkartegi berrian kokatutako langune batean urtebeteko kuotak ordainduko zaizkie.

Izen-emate orriak Bermeoko eta Gernika-Lumoko Udaletako Gazte Informazio Zerbitzuetan edo Urremendi Landa Garapen Elkarteko bulegoan jaso eta entregatu beharko dira. Gainera, web-orri honen bitartez ere deskargatu ahal dira, albistearen bukaeran. Izen-emate orri horiek eta beharrezko dokumentazio guztia paperean aurkeztu beharko dira, arestian aipatu zerbitzuetan, 2017ko azaroaren 10a baino lehenago.

Ideiak aurkezteko epea azaroaren 10ean bukatuko da, 14:00etan. Proiektuak eta eskatutako dokumentazio guztia paperean aurkeztu beharko dira

2016ko irabazleak
Joan zen urtean, Aldapeko Ahuntz Esnekiak izeneko ideiak eraman zuen 3.000 euroko lehenengo saria. Guadarrama arrazako ahuntz-esneki ekologikoak ekoiztea du helburu: antxumea, jogurta, esnekiak eta gazta, hain zuzen ere. Ideiaren sortzailea, Maddi Amezaga Arriaga (Errigoiti, 1996) izan zen, eta dagoeneko bere ideia garatzen hasi da.

Bigarren saria, 2.000 eurokoa, Nagusialde izeneko proiektuak jaso zuen. Horren helburua, Busturialdeko eskualdean dementziadun pertsona nagusien bizi-kalitatea hobetzea da, arlo kognitiboa, emozionala, konduktuala eta soziala landuz etxez-etxeko arreta psikologikoa emanez. Legendika Zuazua Romero (Gernika, 1991) gazte gernikarra izan zen ideiaren sortzailea.

Informazio gehiago eta izen-emate orriak

 

 

Argazki galeria
Bideoa
Non aurkitu gure bulegoak?